عرض مصدر الاسم

==ترجمة أسماء الأعلام==
نشوف حكاية ترجمة أسماء الأعلام من لغات [[العالم]] للعربية و نحاول نفهم [[دماغ]] المترجم و نعرف غرضه و كونه عاوز يوصل لإيه . نشوف إسم [[فلسفة|الفيلسوف]] أفلاطون جاى منين و [[العرب]] ترجموه إزاى . الراجل فى [[اليونان]]ية إسمه بلاتون Πλάτων  بمعنى: العريض  ؛ مع العلم إن إسمه ما فيهوش حرف "ف" و لا فى اليونانية حرف "ط" .و نشوف إسم الفيلسوف اليونانى Ἀριστοτέλης أريستوتليس  بمعنى: ممتاز النيَة ، [[تلميذ]] أفلاطون ومعلم الإسكندر الأكبر , و إزاى [[العرب]] ترجموه لـ أرسطو ؛ برضه حشروا حرف الـ "ط" فى إسمه , و حذفوا نُص إسمه ؛ يعنى ممكن نقول أعطوه إسم دلع و كان ممكن يدلعوه بإسم طاطا أو طيطو و ممكن تيتو للتخفيف  بدل من إسمه المكلكع بالنسبة لهم . و واحد زى الفيلسوف السكندرى ( Ἰωάννη ὁ Φιλόπονος بمعنى ؛ المحب للإجتهاد  جون فيلوبونوس (490 - 570)؛ لما نشوف ترجمة إسمه لـ  يحيى النحوى  ممكن نفهم إيه ؟

أكيد حا نفهم إنه راجل [[عرب]]ى من إسمه و صفته [[العربية]] و مش بعيد نفهم إنه هو إللى واضع ألفية بن مالك الحقيقى أو إنه هو نفسه سيبويه . طيب نشوف مثل معاصر زى الأمين العام السابق للأمم المتحدة كوفى أنان Kofi Annan الغانى [[هوية|الجنسية]] و نتذكر بداية تعيينه ؛ و خروج الصحف ال[[مصر]]ية  و معاها [[العربية]]  بترجمة إسمه لـ كوفى عنان ؛ بالرغم إن إسمه Annan ؛ بس إحنا و بقدرة قادر سامِّيناه عنان فى محاولة لإضافة [[اسطوانة مشروخة]] و [[عروبة|مَسحة عروبية]] لأصله, و إنه قريب [[أم]] السيد بالسويس , و الحاج برعى النقاش بالجيزة , و برعى عنان بالسويس و عبد الشكور عنان ببولاق , و نسيب عائلات أنّح بالأنفوشى , و عائلات الدكش و [[أبو رجل مسلوخة]] بالدرب الأحمر .

المشكلة الكبيرة إنك لما تحاول تبحث فى المراجع العلمية و [[العالم]]ية ؛ أو تستخدم [[جوجل|محركات البحث]] الإليكترونية الغربية و العالمية عن أسماء أفلاطون و أرسطو و يحيى النحوى و عنان ؛ [[العدم|مش حا تلاقى لهم وجود]] لأنك  لو مش عارف [[حقيقة]] أسماءهم  حا تضطر تكتبها حسب ما سمعت و شوفت أسماءهم بتتكتب إزاى فى [[الوطن العربي|المنطقة العربية]] و حا تضطر تبحث عن أفلاطون بهجاء Aflaton , و أرسطو بهجاء Aristto , و جون فيلوبونوس بهجاء Yehia Al Nahawy , و هكذا . و أكيد محركات البحث حا ترد عليك برد ممكن يزعلك . إلى جانب إن أسماء الأعلام بلغتها لها [[كتابة بريل|معانى مفهومة]] و بعد تعريبها  و بمعنى أصح ؛ بعد عجنها و شلفطتها  ما تلاقيلهاش أى معنى . يعنى ضرورى تُستُر مجالك و تخليك مع المراجع و محركات البحث [[العربية]] ؛ لو مش عارف [[حقيقة]] أسماء الأعلام إللى بتبحث عنها و ما تعرفش غير أسماءهم بالعربية أو زىّ ما العرب سمُّوهم أو دلعوهم .