احا

من Beidipedia
اذهب إلى التنقل اذهب إلى البحث

احا إختصار لجملة: انا حقا اعترض او انا حقى اعترض . احا مشتقه من "اح" كلمه بتتقال لما تكح او تتلسع او تتخبط و بتتقال بردو للأطفال الصغيرين للتعبير عن الغضب .احا فى بلاد زي الاردن معناها الكحة و بلاد تانية معرفهاش معناها اصيل زى مثلا لما نقول "انا مصرى احا" = "انا مصرى اصيل". فى اللغة العربية احا كلمة كان بيقولها البدو للمعيز و الخرفان و الكلام ده (لسان العرب) . احا: مشتقة من الاحاح و الاحاح ليها معانى كتير حسب النطق فا تيجى بمعنى العطش الشديد، الحزن الشديد، الغيظ، الحقد، الكراهية و الكحة او العطس (لسان العرب) . احا مشتقه من اح نفس معنى الاحاح الاتنين اصل واحد و معانى واحده بردو الغيظ، الكراهيه، العداوه، و الكحة و الكلام ده (مقاييس اللغة) . فى الحكايات اللى بنسمعها بيقولك فى العصر الفاطمى ; طلع قانون يمنع الناس انها تقول لفظ "احتج"، فا المصريين ساعتها حورو الكلمة و خلوها "احتا" من يومنا و احنا معارضين . الفاطميين اكتشفو الموضوع ده، راحو المصريين قلبوها لـ"احا"، و بعدين القانون اتلغى و الكلمه اتشهرت . فى اغلب الحالات احا كلمة تعتبر اسلوب اعتراض شديد اللهجة

من زمان اوى . من المواقف المشهورة لكلمة احا، هيا لما الريس جمال عبد الناصر طلع و قال هاتنحى عن الحكم و كان رد الشعب ليه فى مظاهرة شعارها "احا احا لا تتنحى" . مين اول واحد قالها و قالها ليه: معرفش . ليه الاعتقاد دلوقتى بان الكلمة مش محترمة (قبيحة) فى الوقت اللى الاعتقاد ده ظهر فى مصر ، كانت الدولة لسه بتبنى نفسه، و كانت العقول مشوشة بسبب الإنجليز و الفرنسيين و الناس دى و حصل الإنقسام بين المصريين الاغنيا و الفقرا، الجيل الجديد من الاغنيا كانو متعلمين فى اوروبا و مش ناقصهم حاجة عشان يقولو احا اما الجيل الجديد من الفقرا فا كانو دايما بيقولو اح، و كان عندهم التطلع للاغنيا (عايزين يبقو اغنيا زيهم) فا كان التقليد فى الكلام من الاغنيا و هنا كلمه احا كانت لسه عادية و لكن ، مينفعش تتقال ادام حد غنى او حد صاحب علم تعبيرا للاحترام يعنى و هكذا لغاية ما الناس بقو يربو اولادهم ع ان احا دى كلمة مش محترمة زى ما الاغنيا بيربو ولادهم . طبعا دلوقتى الكلمة موجودة ع انها قبيحة محدش بيقولها غير اطفال الشوارع ، و لما الاطفال المتربية يسألو اهاليهم يعنى ايه احا يسمعو الاجابة المعتاده "كلمة وحشة" و بعديها يسمعو صوت الصمت .