السويد

الشعار: إمشي إنجعر يا أجنبي وطنك اولى بيك
نظام الحكم	الاشتراكية الديمقراطية
النشيد الوطني	عملية الإندماج غير فعالة
العاصمة	ستوكهولم
اللغة الرسمية	الكردية , العربية , الفارسية , الصربية
أغضبت السعودية	انتقادات حقوق المرأة انتقادات سجن رائف بدوي عدم تمديد اتفاقية التسليح
هل تأقلمت بعد 20 سنة	كلا
أغضبت إسرائيل	الاعتراف بدولة فلسطين

مبروك يا بطل لقد إنطلت كذبتك المليئة بالتهويل على المحققين في مصلحة الهجرة السويدية . اهلا بك في السويد . قصة السويد مع اللاجئين ليست بجديدة ، فبعد الثورة الايرانية ، والتي اعقبتها حرب الخليج الأولى، استقبلت السويد عددا كبيرا من اللاجئين الايرانيين والعراقيين . وبعد حرب البلقان بين الصرب والكروات والبوشناق ، أوت الكثير من اللاجئين من هذه المنطقة . وخلال الحرب الأهلية في لبنان ، شهدت السويد أيضا موجة لاجئين لبنانيين. ومنذ عام 2003 وحتى اللحظة ، يصل الى السويد آلاف العراقيين من طالبي اللجوء . معظم هؤلاء يدخلون البلاد سرا، وبطرق غير مشروعة .اول حاجة هانعملك مقدمة كده نشرح عن طبيعة الحياة و المشاكل الكبيرة و بعدين الحياة اليومية . الحياة صعبة فى ستوكهولم بسبب الاجانب و الشغل صعب جدا و الاسعار غالية بدرجة رهيبة . المدينة الاصعب على الاطلاق انك تعيش فيها هى مالمو بسبب انخفاض و تدنى مستوى المعيشة هناك . في مالمو الاجانب مش بس كتير لا دول مجرمين كمان فى مناطق كامل الحكومة اعتبرتها مناطق موبوئة و بتتعامل معاهم من المبدأ ده ان دى مناطق زى مناطق المشعة بعد كارثة نووية , نسبة اجرام عالية جدا , نسبة نجاح الطلبة فى المدارس شبه منعدمة و اطفال مجرمين وكمان كل كام يوم حادث اطلاق نار على اى حد فى الشارع و سقوط ضحية لأسباب مختلفة اغلبهم شباب صغيرين و اسبابها تصفية عصابات و بعض الاوقات ناس ولا ليهم اى ذنب فى الشارع و بهدلة يعنى! . بس فى مناطق فى مالمو كويسة و يتعاش فيها عادى لكن يعنى سمة المدينة ككل وحشة جدا و بعد كتاب زلاتان ابراهموفيتش اللى نزله جديد ده و كتب عن نشأته فى مالمو كل العالم خلاص عرف قد ايه المكان ده من اصعب الاماكن للعيش فى العالم كان بيقولك بالنص لولا الكوره كان زمانى مجرم زى باقى اللى اعرفه مواقف على الناصيه ببيع مخدرات او ببيع صاحبتى بالساعة للى يدفع!

يوتوبورى تانى اكبر مدينة و فيه االميناء الرئيسى و تعتبر مقصد سياحى كويس لكن مش للسياحة الشواطئ و كده تبقى سياحة مؤتمرات بقى و ثقافية و انواع تانية كتير ملناش فيها يعنى يوتوبورى الحياة فيها صعبة برضه بسبب قلة الوظايف و الاسعار برضه عالية الى حد ما بالزات فى السكن ولك كمثال اى موقع سكن تخش عليه و تشوف بنفسك فرق الاسعار فى الشقق بين يوتوبرى و باقى المدن ! . للعلم فى يوتوبورى الناس بتأجر شقتها باليوم والاسبوع للاجانب فى ايام الحفلات والمهرجانات و كده لان الفنادق غالية ونادرا ما هاتلاقى مكان يعنى بتسيب شقتكو تروح عند اصحباك وتأجرها تعملك الف او الف ونص فى الليلة حلو مش عيب و يا سلام بقى لو فى السينتروم تعملها الفين و انتا طالع فى الليلة المهم يعنى الحياة فيها برضه صعبة و مليانة اجانب و مليانة ناس عايشين على المساعدات من الحكومة بغض النظر عن اسبابهم لو هما فعلا محتاجين او بيسرقوا و ينهبوا البلد .

بالنسبه لمدن الشمال الحياة هناك ارخص شويه و سهل تعيش هناك لكن البرد مرعب والشمس مبتشوفهاش الا كام شهر فى السنة بس و مش شمس كمان مجرد نور كده وخلاص . بالمنطق كده هنا المورد الاساسى للبلد هو الضرايب بمعنى ان كل ما السكان يكونوا اكتر كل ما يكون دخل المدينة اكبر و الخدمات افضل لكن المشكلة ان العكس بيحصل فى حاله وجود الاجانب .السويدى بطبعه مش بيسرق بلده وعارف انه لما يشتغلو يدفع الضريبة ده واجب وطنى تجاه بلد هعشان تفضل فى المقدمة و عارف انه عشان يحافظ على مستوى المعيشة المرتفع ده لازم يدفع اللى عليه كله عشان يقدر يستفيد هو واولاده من بعده انما الاجنبى يقولك أنا وبعدى الطوفان بلا عيال بلا نيلة لما يكبروا يحلها الف حلال .

الاجنبى ميشتغلش و يكدب

الاجنبى بيجى ميشتغلش و يكدب عشان ياخد الإقامة و يقول كلام محصلش عشان يدوله اقامة منها الإدعاء بالشذوذ الجنسى او جرائم الشرف مع عدم وجود ادله قاطعة على حالات تم اكتشافها لكن الناس كلها بتؤكد ان دى واحدة من الطرق للحصول على الإقامة وبعد ما بياخدها بيعيش على المساعدات ولعشرات السنين لدرجة ان فى دلوقتى حزب اسمه الشبيبة ديموقراطى حاجة كده المهم يعنى ده ماشى فى الشوارع و خد قرض من الحكومة لطباعة اسطوانات و فلاشات ومنشورات لتوزيعها على الناس دى اسم الحملة هى (الغربة حلوة بس وطنك احلى و اولى بيك) يعنى من الاخر نورتنا يا بيه مع السلامة بقى و بدأت الناس تنتخب الحزب ده على امل انه يخلصهم من قوم يأجوج و مأجوج دول! . احنا بنتكلم على الناس اللى بتسرق لانهم بياخدو الفلوس دى و بيشتغلوا اسود يعنى انتا بتدفع ضريبة و مش لاقى شغل هو بقى بياخد فلوس الضريبة بتاعتك يجيب تلفزيون ليد اخر موديل و لبس انتا متحلمش بيه و احدث موبايل و كمان بيشتغل اسود عشان يزود دخله و بياخد فرصتك فى ايجاد عمل كويس تكسب منه ببساطه تبا لهم يعنى حط نفسك فى مكان ابن البلد و شوف هايكون احساسك ايه.

ومشكلة المشاكل هنا الاطفال , المرض النفسى اللى فى الاباء اللى من النوع الى نتكلم عليه بينقلوه بحزافيره للاطفال بتلاقى اطفالهم فى المدرسة بيبعدوا عن العلاقات مع باقى الاطفال ومش بيختلطوا و بيودوهم مدارس لوحدهم مش زى باقى مدارس الحكومة يعنى مش كفاية تفكيرك المريض كمان بتنقله لطفلك للاسف الآباء دول فاكرين انهم بيعملوا الصح كدهو فاكرين ان ده هو الطريق المظبوط فى التربية , طيب ليه متديش مثال كويس لطفلك ليه لما بتروح تاخده من المدرسة مش بترد حتى على المدرسين يعنى الناس دى استضافتك انتا وعيالك و بتعمل المستحيل عشانكو وبيشتغلوا وبيصرفوا عليكوا و بقت الخدمات مستواها فى النازل بسببكو و بتخربوا كل حاجة وفى الاخر تيجى المدرسة بتاعت ابنك او بنتك تكلمك متردش عليها و تمشى يعنى كمان كل ده و فى الاخر بيعزله نفسهم عن الدنيا هما و عيالهم!

الاجانب بيستخدموا الدين غلط يعنى مثلا بيروحوا يتطلقوا مدنى قدام المحكمة و ده طبعا للمسلمين ملوش لزمة دى ورقة وخلاص تقوم الحكومة مدياهم كل واحد شقة لوحده يروحوا مأجرين واحده و قاعدين فى التانية عيب يعنى خلاص سيرتهم العطرة بقت على كل لسان حتى التجار المحترمين و العمال المحترمين الملتزمين بسبب الغوغاءاللصوص دول بقوا يتعاملو معاملة وحشة لان السيئة بتعم على السمعة بتاعت الجنسيات دى ده بقى بيأثر على بقى فرص العرب عموما فى ايجاد عمل ودفع شباب كتير الى الموضة الايام دى و هى تغيير الاسماء عشان يلاقى شغل بقى يغير اسمه من اسم عربى لاسم اوروبى عشان على الاقل السى فى بتاعه عند التقديم يأخذ محمل الجد ولايهمل من اول فرز لمجرد اسمه عربى وده كلام ملوش اى دعوه بعنصرية الناس زى الفل اللى انا حكيته عن اللى الاجانب بيعملوه في البلد ميجيش 1% من الواقع المرير اللى اهل البلد دى بيعيشوه بسببهم .

اكل العيش

نيجى للنقطه المهمة اوى اللى الكل بيدور عليها وهى اكل العيش انواع الشغل الاسود مش موضوعى عشان اصلا معرفش بيمشى ازاى وكله بهدلة ومخاطر الشغل الطبيعى هنا فى كل المجالات لكن عندهم استندارد قوى اوى لكل حاجة يعنى مفيش حاجة اسمها فنى و ابويا علمنى و معايا صنعة اى كانت حتى لو مفيش غيرك فى البلد لازم يكون مدعم بشهادة من الحكومة انك فعلا تعرف تعمل اللى انتا بتقول عليه ده وده فى طريقتين يا تعمل حاجه اسمها فالديرينج يعنى هاتتاخد وتتحط فى مكان العمل وحد يقيم شغلك و ادائك و ده نادرا ما بيتعمل مع اى حد الا فى ظروف معينة يا اما هاتاخد كورسات من كزا جهه هنا فى البلد . كورسات القطاع الخاص غالية لدرجة رهيبة يعنى اللى ليه فى الكمبيوتر كمثال بسيط مثلا فليكن كورس شبكات سيسكو مثلا سى سى ان ايه ccna الكورس ده تكلفته فى مصر لا تتعدى ال1000 جنيه و فى مدعم كمان و كمان فى اجهزه تتعامل عليها و الكورس ممكن ياخد شهر او اكتر فى مصر هنا الكورس فى ارخص شركه فى السويد ب 400000 اربعين الف كورونا من غير الضريبه اللى هى 25% يعنى الكورس هايعمل خمسين الف و كمان الكورس اللى هو الخمس ايام السريع يعنى لو معندكش خلفيه يبقى بترمى الفلوس لانك مش هاتتلعم فى الخمس ايام دول اى حاجة .

رخصة قيادة سيارة

عاوز تطلع رخصة قيادة سيارة هنا فى السويد ده الجحيم بعينه بقى لو بتسوق بقالك عشرين سنة ولا يفرق معاهم هاتتعلم فى مدرسة من الاول الكورس هايكلفك حد ادنى 20 الف كورونا و فى امتحانين و كورس رسمى كل واحد من التلاتة دول ليه رسوم ده غير العشرين الف بتوع الرخصة ونسبة النجاح حتى لو انتا بتسوق قبلها لا يتعدى 60% عشان كده تعتبر الدولة الأمن فى العالم فى الطرق و المواصلات و اقل نسبه حوادث لصعوبة الحصول على الرخص و التعليم الجيد جدا للحصول عليها او امتلاك عربية اصلا برضه صعب جدا و مكلف بطريقه رخمة و المواصلات العامة زى الفل .

موضوع الرخصة يطول شرحه لكن عامة هى صعبة و ممكن متدفعش غير رسوم الامتحانات بس و كورس الهالكا ده بتاع سيفتى كده اجبارى بيعلمك ازاى تسوق على التلج يعنى لكن مش امتحان مجرد تعليم لمدة يوم او اتنين مش اكتر و يقولك بقى الخمور و تأثيرها و يوريك عربيات مدغدغة و عملت حواث عشان تشوف اللى حصل و كده يعنى و الامتحانين النظرى و العملى هما اللى موال بقى لكن تكلفتهم بسيطة يعنى ممكن متخشش مدرسة تعليم اصلا و تشوف حد معرفه يظبتك شوية على عربيته و دى سهله لانه بيروح المرور وبيطلع رخصه مدرس بس يكون بقالوا خمس سنين معاه رخصة نفس الكاتوجرى و ميكونش عنده اى علامات فى رخصته يعنى معملش اى مشاكل و بيدفع رسوم و بيبقى مدرس معتمد عادى يعنى

بالنسبة للضريبة انتا بيتخصم منك 30% تقريبا فى المدن الكبيرة ضريبة من مرتبك يعنى لو بتاخد 20 الف كورونا فى الشهر بيتخصم منهم سته الاف ضريبة و الباقى بيتحولك فى حسابك هنا مفيش حاجة اسمها كاش فى الشغل مفيش اكراميات خالص او يعنى محدودة اوى و محدش اصلا هاياخدها بطريقة طبيعية لانهم مش متعودين على الموضوع ده و ممكن تسببلك مشكلة لو قبلتها تحت اى ظرف كل شغلك و كل حياتك متعلقة بحسابك البنكى و سجلاتك فى السكات اللى هو اصلا مصلحة الضرايب مش احوال مدنية يعنى انتا تمثل رقم و الرقم ده يمثل حساب بنكى مش اكتر ولا اقل و حقوقك بتاخدها وواجباتك بتعملها.