بريطانيا

من Beidipedia
اذهب إلى التنقل اذهب إلى البحث
Iraq header 2.jpg هذه المقالة تحتوي على نكات قد لايفهمها غير العراقي لفهم النكات عليك بالمشاركة بالإنتخابات للتصويت على 6969 من التحالفات السياسية المتنافسة
المملكة المتحدة
21-Britons.png
الشعار: إبتسم فأنت مراقب بكاميرات أمنية .
النشيد الوطني: فك اوف
الملكة الحجية اليزابيث
الرئيس رئيس الولايات المتحدة
وعود مشهورة وعد بلفور
أكبر ديانة السيخية
حروب في تاريخ بريطانيا حرب مشجعي كرة القدم العالمية الأولى
صناعات فاشلة العراق , اسرائيل , المعارضة العراقية
مؤسس المسرح الإنجليزي الشيخ زبير من أهالي البصرة
الخطة الإستراتيجية بريطانيا العظمى سابقا قزم مهدد بالسحق والاندثار ما لم يلتصق بقوة أمريكا العظمى .

بريطانيا عبارة عن جزيرة في أوربا تتألف من إنجلترة و إسكتلندا و ويلز , اول ماتصل بريطانيا وتسأل اي واحد بالشارع هاي لندن بويه ؟؟ فيأتي الجواب فك اوف FUCK OFF يعني هذه لندن لانه هذه الكلمة معناها بالعربي اهلا وسهلا يابعد الروح مكانك بالقلب قبل العيون , وراح تسمعها بالدقيقة مليون مرة لانه كل شئ هنا لازم يخلوله هذا المقطع . المسافر الى بريطانيا من الوطن العربي جاي من منطقة شعبية يعني النسوان كلها عبايات وجواريب سودة يعني خيمة مال البدو وذابيه عليها . من توصل الى بريطانيا راح هم تشوف نسوان بالشارع بس اكو فرق من ناحيه الشكل والمضمون والنوعية واللون واللبس يعني الشكل بقلاوة اما المضمون اقصد بيه المضموم شنو اكو بالدول العربية بعض الشغلات يضموها النسوان هنا في بريطانيا كله Free يعني اطول تنورة بحجم المنديل او الفوطة الي تمسح بيها خشمك .

اغلب النساء بيضاوات طحين نمرة صفر تلمع من فوك الى جوة وتصدق بكل شي , شتكلها تصدق وبالمناسبة الموضة هسه هنا التنورة شوية نازلة والطركاعة او مايسمب بالــ Thong طالعة شوية , اكو طركاعة حمرة واكو طركاعة سودة واكو طركاعة ام النقشة اكو طركاعة يعني شلون اوصفها اها عرفت شايف رجال السومو هذوله اليابانين السمان يلبسون طركاعة يعني الجهه الخلفيه عباره عن خيط رفيع رفيع رفيع جدا تكول خيط مال بكرة مال خياطة الله يرحمج حجية تفيدة ما لحكتي على هاي الطركاعه جانت الطركاعه مالتها شورت مال نادي الزوراء شطولاته تكول بجامة مو طركاعة .

مرات انت تمشي او قاعد بالباص واكو اثنين ولد وابنيه انكليز يتعانقون ويقبلون بعضهم بعض لا تحملق و لا تحدق ولا تباوع عليهم وتصير مثلي من اول ما وصلت الى بريطانيا وبالباص قاعد وكدامي اثنين يتباوسون بطريقه خلوني فاتح فمي شهرين مفتوح وهي البنية شنو من ابنيه ادير وجهي الى الخلف اشوف هم اثنين كاعدين يتعانقون على اليسره هماتين على اليمنه هماتين ادري اني صاعد باص لو كرخانة , ياربي رفعت ايدي الى السماء وقلت يارب بلكت تصعد وحدة وتكعد يمي والله يهديها وتكلي عانقني اخاف ما اعانقها عمي صدك جذب احنا اهل الكرم والجود , وتالي صعدت واحدة شنو من وحده , سودة زنجية شفايفها زوج مخدات وشعرها نكرو اسود وسمينة يعني يحتاجلها عشر زلم يعانقوها وكعدت يمي واني صرت يمها عصفور وجان تمد ايدها عليه وكالت ار يو فري تو نايت جاوبتها كتلها ثلاثه لا يدخلون الجنة السارق والظالم والزاني .

المشكلة الي راح تواجها هي المرافق الصحية انصحك قبل لا تجي من الشرق الأوسط فوت دورة لاستخدام ورق التواليت وادعيلي رحمة على ابوك من تستخدمه . يحتاجلك 6 اشهر حتى تتعلم تكنلوجيا استخدام ورق التواليت انت راح تتونس ونسة من هاي الاوكي بس اذا دبرت وياك ابريق من الوطن العربي على شكل مدالية او ابريق نوع مايكرو ابريق تحطه بجيبك او اكلك جيب وياك قوري فافون مال شاي . دير بالك تضرب الطابور هنا في بريطانيا الجميع يلبسوك و لايعيروك إهتماما محد يكلك ليش , بس من تضرب الطابور يكلك ليش بس يضيفلها المقطع الي كتلك عليه بالبداية 'فك أوف واي شي تطلب لازم تكول بليزز مو تكول رحمة على ابوك انطيني هذاك الشي اخاف تريد تزقنب اي تطفح اي تعلف اي تاكل وانت انسان على كد حالك . وبالمناسبه هنا الاكل يلعب الروح والنفس .

في بريطانيا كل واحد يدفع حسابه , اذا تريد تشتري ملابس تروح على محلات تقدر ترجع الحاجه بعد يومين ويرجعولك الفلوس يعني مثلا عندك موعد رومانسي تروح تشتري احلى لبس وتكشخ بيه وثاني يوم ترجعه تكلهم Sorry ما اريده وهو ابو المحل مثل المطي يرجعلك الفلوس وهكذا كل ماتصير عندك موعد غرامي روح البس ورجع بس لا يسمح بارجاع الملابس الداخلية لانه يعرفون بيك جرب وسخ اذا تريد تتعطر اغلى العطور موجود تروح للمحلات العطور اكو خانه يصيحوله سامبل تجد كل العطور تشوف عطرها شنو صير مثلي كل طلعه مر من يمهم حط عشر بخات الي تريده انا اخوكم حتى بالجواريب احط ريحه من هاي الي سعهرها 35 باون بلاش كله مال تجربة حط واتعطر عودك جاي تجربها مرات حتى اخذ وياي علاكة احد بيها قميصين اعطرهم لانه مرات مابيه حيل امر عليهم . اذا تريد ترجع ثروات العراق الذي سرقها الإنجليز من العراق افضل شئ تروح تسوي عقد موبايل ينطوك الجهاز بلاش انت شنو تسوي وره اسبوع تروح للشرطة تسوي بلاغ انه ضاع وبعدين تروح للشركة ينطوك جهاز ثاني والجهاز الاول تروح تبيعه .

اللجوء السياسي في بريطانيا[عدل]

إستنادا الى كتاب ابن بطوطة , التسكع في البلدان على ظهر الحمار الفرحان , إن كان الإنسان العربي معارضا لحكومة ما فإن عليه طلب اللجوء السياسي في لندن , و التوجه الى المطار والإنتظار لحين تصيح وحدة بالمايكرفون على المسافرين الى لندن رحمة على والديكم التوجه الى الطيارة . قالت رحمة على والديكم بالانكليزي ورحت للتفتيش هناك الضابط شافني كال هذا شكله مال ارهابين فقام يفتشني وكال انزع كل ملابسك حتى الحفاظة واني بكل رحابة صدر نزعت وكان يفتش كل مكان , ماخله مكان يعتب وجان يكول شنو البواسير مالتك مبينة جديدة شنو امبدلها لو تجفيد كتله لا تحوير سويتلها جان يكول لازم افتشها قلت له عمي شتريد اتفتش فتش حتى لو تريد الأمعاء الدقيقة . رحنا للطيارة اني قعدت بالصدر بجانب السائق وطارت الطيارة وطبعا شلون مظيفات انكليزيات يخبلن طبعا كل المضيفات لزكوا بيه واسمعهن بالانكليزي يقولون يمة فدوة حمودي واني خليت وحدة على اليمنة وحدة على اليسرة واثنين على الشحن و الركاب كل شوية يصيحون على المظيفات يمعوده طاسة ماي يمعودة نرجيلة .

واحنا بالجو واحد من الركاب كال اريد اروح للتواليت وكان التواليت بالطيارة مجاريها مسدوة في تلك اللحظة قلت له اصبر حتى ننزل ترانزيت برومانيا هسه قابل هي قنبلة , قال من كل عقلك برومانيا وين اكو مجاري . اني رحت للطيار كان نائم خطية فقلت له ممكن تنزل بالمطار مال الصين حتى صاحبنه يروح للتواليت يقضي حاجته , الطيار كال OK , نزلنا بالصين وهناك راح للتواليت فات للتواليت شاف ماكو ابريق كال اني ما استعمل ورق عندي حساسية من الكلينس شوفولي خاولي كتله ماكو خاولي انطيك تي شيرت مالتي كال لا الا خاولي لو ابريج عاد رحت للطيار لكيته جاي يبدل التاير مال الطيارة كتله عمي ودينه على مطار اليمن السعيد هناك اكيد اكو ابريق , رحنه لليمن وخلص صاحبنه بعد ان زرب بينه غير المرافق الي زرب بيها. من اليمن رحنا الى مطار هنغاريا انفول بنزين ومناك رحنا الى مطار كوريا الجنوبية نتغده ونرتاح ساعة ونصلي ونطلع على لندن . وصلنا لسماء لندن شفنه واحد روحه طالعة الى السماء بسبب انفجار , مات وطلعت روحه فسألناه منين انروح الى مطار هيثرو كال مو اول غيمة ثاني غيمة على اليسار .

بعد البريكست[عدل]

بداية 2020 راح يكون هناك مكان شاغر في الإتحاد الأوروپي بعد البريكست وخروج بريطانيا من هذا الإتحاد، وهاي فرصة ما راح تتكرر للعراق بأن يقدم أوراق طلبه ليكون بدال بريطانيا في هذا الإتحاد لتوفر الشروط المطلوبة. عدنا ديمقراطية تخبل، ناس صارلها شهرين مچودرة بنص بغداد ومحد بحالهم، ينامون يشربون يرگصون يصلون يشتمون أكبر صماخ محد يمهم، صح أكو ضحايا بس مثل ما تعرفون حتى أعقد التكنلوجيات والتصاميم والأنظمة المعقدة تصير بيها أخطاء وضحايا، وما صاحبكم المكوك الفضائي تشالنجر وكولومبيا عنكم ببعيد، ولا التصميم المعقد لمحطة فوكوشيما النووية، وتعرفون تشالنجر وكولومبيا شلون أحترگ، وفوكوشيما ما گدرت تصد موجة تسونامي، فشلون تريدون حكومة نص ستاو وربع ردن وفوگاه ردن مشگگ تصد إحتجاجات بلا ضحايا. فلا حد يحچي ويگول ماكو ديمقراطية، وهذا شرط أساسي في تقديم طلب للإتحاد الأوروپي.

بعدين حقوق الإنسان، يمعود إحنا مو بس حقوق الإنسان حتى حقوق الحيوان نحترمها والدليل أي حيوان يريد نعتبره بشر ونعامله معاملة بشر نرحب بيه، وبدون أي دورة تأهيلية أخاف تنجرح مشاعره، ننطيه منصب وإمتيازات حاله أحسن من هواية بشر أصليين. بس أهم من هذا وذاك أن العراق أصلاً أوروپي، تسعين بالمية من العراقيين عالفيسبوك من سووا إختبار شنو أصلهم طلعوا أوروپيين، بعد شكو، والنقطة الحاسمة في طلب العراق للإنضمام للإتحاد الأوروپي هي أن أوروپا تحكمنا، وأنتو عبالكم إيران حاكمتنا وتتدخل بأمورنا. الحكومة مالتنا أوروپية من أرقى الماركات، مو ذنب أوروپا إذا إحنا ما نعرف نشغل الحكومة الأوروپية زين حتى تنطينا نتائج أوروپية، وهاي مشكلة العراقي الأزلية، أبد ما يقرا كتاب التعليمات وكتالوگ التشغيل. أول ما يفتح صندوق أي آلة يشيل كتاب التشغيل ويرميه لأن عيب گدام ولده ومرته يقرا كتاب التشغيل لو المانوال ويطلع ما يعرف شنو وشلون يشغل المايكرويف لو ستينگ مال التلفزيون لو شفط الملابس في الغسالة ديجيتال.

ونفس الشي صار وي الحكومة الأوروپية التي حكمتنا وتحكمنا، ما قرينا كتاب التعليمات حتى نوصل لنتائج أوروپية. وهاي حقيقة مو عبالكم راسي مفتر. تسعين بالمية من أي حكومة عراقية بعد 2003 هي أوروپية ووزراء أوروپيين جايين من أوروپا مع عرض خاص ينطوك رئيس أوروپي إذا أنت حباب وتوگف بالسرة. شفنا رؤساء وزارة بريطانيين وهسة فرنسي وواحد مضروب تك وتك إيراني مطعّم بنكهة أوروپية ما راهمة عالزعفران والفسنجون، أوروبا تحكمنا فعلياً من 2003، مو صوچها إذا المنتج الأوروپي متعود على برد الدنمارك والنرويج وبريطانيا وهولندا وفرنسا والسويد، ومتعود على صفاء ماي جبال الألب، وأول ما يجي هذا المنتج لبغداد وي الحر تطگ الفيوزات. وحتى نحل الموضوع من الأساس راح نقدم طلب إعتبارنا دولة أوروپية لشغل مكان بريطانيا في عضوية الإتحاد حتى بالتصاميم الجاية للحكومة تدخل بغداد ضمن المواصفة الأوروپية لتصميم الحكومات، وما راح تطگ الفيوزات.

ولكم والله خسارة من سطعش سنة ما أستفادينا من أي من الحكومات الأوروپية إللي حكمتنا وآخرها حكومة فرنسية، بعد شتريدون نجيباكم أحسن الماركات، بس الخلل في الأجواء وطريقة الإستخدام. هسة فرصة وجايتكم لحد باب المنطقة الخضراء وحتى تفاجئون المحتجين بأن د تشتغلون شغل أفضل من طلباتهم، الكل راح نصير أوروپيين، حتى نادي الگيارة راح يلعب بالشامپيونزليغ لأن راح يصير بمواصفات أوروپية، ولمعلوماتكم حتى تتأكدون من أصلنا الأوروپي شوفوا شلون صرنا نگول أومليت بدال بيض بالدهن، وشلون طماطة صارت طوميتو وشلون بطاطا صارت بوتيتة بعد 2003 لأن الأزلام منعونا من التعبير عن أصولنا الأوروپية، وأول يوم بعد زوال أعذار دولة الأزلام رجعتْ بطاطا نسميها بوتيتة.

وهسة الحكومة جاية تشتغل على هذا الملف- ملف عضوية العراق في الإتحاد الأوروپي- والدليل توزيع العدس، وهو تمرين لوجبة توزيع الفاصوليا، ما دام راح ناخذ مكان بريطانيا، لأن راح نتريگ فاصوليا مثل الإنگليز .وهاي يوروپ... إذا ما توافقون راح يطلع المارد ويحمي عضوية العراق في الإتحاد الأوروپي ويقول : إذا أوروپا ما تريدنا چا وين أهلنا.

مصادر[عدل]

  • كتابات حمودي العراقي مواليد مستشفى العلوية للولادة.
       
أوروبا
المانيا ~ إسبانيا ~ بريطانيا ~ الدانمارك ~ بلجيكا ~ فرنسا ~ اليونان ~ ايطاليا ~ السويد ~ روسيا ~ اوكرانيا ~ رومانيا ~ بلغاريا ~ التشيك ~ النمسا ~ سويسرا ~ البانيا ~ هولندا ~ الفاتيكان ~ البرتغال ~ سان مارينو ~ صربيا ~ البوسنة والهرسك ~ الجبل الأسود ~ مالطا