قادسية سعد بن أبي وقاص

من بيضيبيديا، الموسوعة الفارغة
اذهب إلى التنقل اذهب إلى البحث
هذه المقالة تحتوي على نكات قد لايفهمها غير العراقي لفهم النكات عليك بالمشاركة بالإنتخابات للتصويت على 6969 من التحالفات السياسية المتنافسة
قادسية سعد بن أبي وقاص

سعد بن ابي وقاص يشرف على المعركة
الصراع: حروب لحماية البوابة الشرقية للعرب
التاريخ: 22 سبتمبر 636
المكان: العراق
النتيجة: نصف شط العرب للعرب , إسترجاع الأحواز الى أحضان الوطن العربي
المتحاربون
السعودية ايران
القادة
سعد بن أبي وقاص رستم فروخزاد
القوى
30,000 جندي
4,500 حصان
4,000 ناقلة مدرعة
7,330 سلاح مدفعي
500 بعير
100 هليكوبتر.
305,000 جندي
500,000 باسداران و باسيج
1000 حمار
1000 ناقلة مدرعة
3,000 سلاح مدفعي
450 طائرة
750 هليكوبتر.
النتائج
حوالي أكثر من 5,000 قتيل عسكري . حوالي أكثر من 25,000 قتيل عسكري .

قادسية حمورابي , قادسية سعد بن أبي وقاص , قادسية صدام المجيدة , قادسية الجعفري , قادسية الزرقاوي

قادسية سعد بن أبي وقاص ويسمى ايضا بمعركة القادسية‎ أو نبرد قادسيه‎ بالفارسية عبارة عن فيلم انتاج عراقي منتصف الثمانينات , فيلم يروي قصة معركة القادسية حين انتصر العرب على الفرس المجوس , يمكن أغلبكم كان زعطوط فما شاف الفلم اليوم أرويلكم الفلم . الفلم بطولة عزت العلايلي , سعاد حسني . شذى سالم , سلفستر ستالون , ارنولد شوارزنيجر . يبدأ الفلم بحوض سباحة بيه كسرى , بالحوض وياه اثنين من الجواري يلّيفوله , طبعا كسرى مامطلعين كل جسمه بس البطن هو مو فلم اباحي , لا تاريخي , وطبعا شلون جواري يشگن شگ وكسرى طبعا سرسري مكيف ومسترخي ويغني , رنة خلخالي يمه رنة خلخالي وانا ماشية يمه رنة خلخالي . وره هذا المشهد يطلع الفارس الكبير سعد بن ابي وقاص الذي ارسله الخليفة العظيم قائد الفتوحات عمر بن الخطاب رضي الله عنه وارضاه وكان في استقباله ابن حارثة الشيباني وياه صديقه لؤي عدنان وغسان محمد الجبوري وحين وصل العراق عزموه على ثريد بامية بشارع الكرادة , بس كرادة داخل مو خارج وبعدين ارسل رسالة الى كسرى يكله أبو أبوك أسمطه اذا ماتطلع من العراق كسرى جاوبه كال لا بروح ابوك صدك تحجي , جان سرسري كسرى مايستحي . عاد كسرى دز مس كوندوليزا رايس الى قائده رستم قلب الصخل كاله انها الحرب يارستم. رستم طلعت روحه جان عريس وثاني يوم ليلة الدخلة عاد زوجته رستمية كالت هاي شنو راح تروح تحارب لعد منو يحارب وياي بالغرفة.

سعد بن وقاص قبل الحرب صاح آخ رجلي خطية ماراح يشارك لانه رجل وماكو جان باندج او دهن فولتارين خطيه ماشارك بس من انتهت الحرب رجعت رجله اوكي سبحان الله وحضر الجيش ودز على الفارس القعقاع , هله بالقعقاع الي صاح انا انا من نار كلبي يورث التنور وانا من حسرات قلبي ينترس الشاجور عليهم . كسرى الفطير ابن الفطير حضر عدد كثير من الفيالة اي الفرس جان يستخدمون الفيل بالحرب على اساس همرات او سيارات هامفي وشكد ظالم نفس كل فيل خطية جاب زوجته النملة وياه الي حامل والي هستوها معرسة والي عدها اسقاط والي مايصير عدها نمل جهال يعني مشاكل والله خو واحد من الفيلة بليلة الحرب طلق زوجته النملة لانها دك ملحة ناقصة تقول له مشتاقتلك حن عاد من الاشواق مزقتني والفيل من الخوف مال الحرب ماجان مستعد ان يطفي اشواق النملة لانه عمي القعقاع جاي بالحرب كوم طلكها .

صارت الحرب حوالي الساعة السادسة فجرا هم الفريقين المتخاصمين اتفقوا كالوا نبدي من وقت على برد الوكت وصارت حرب طاحنة بالسيوف و القنادر حتى بالشتايم هذا يكله بعثي عفلقي وهذا يجاوبه ناصبي , وهابي والثاني اشتعلت امك ابن الزفرة وبعدين صارت بالتفال وراها اشتدت المعركة صارت بالبطالة مال البيبسي عاد القعقاع صاح على رستم كله خويه من رخصتك بلكت تجي يم الاستعلامات اريد اتبارز وياك واتبارزوا وهنا رستم قال دقيقة اوكف بس اروح للتواليت وارجع عاد القعقاع جاوبه مو تتاخر ومو تنسه اتجر السيفون وياك .

راح رستم للتواليت الحقير شلون كذاب راح يدخن جكارة ورجع وعاد اتبارزوا وره شوية رستم ضرط وجان القعقاع يذب سيفه وجان يوكع بالكاع ميت من الضحك ويصيح على رستم ابو ضرطة فضحتنه عاد رستم صار احمر من الخجل وقال عليك العباس لا تكول الى احد واتبارزوا وجان القعقاع يضربه بسيف على منطقة حساسة وقطعه وجان يطير بالهوه وجان الجنود مال كسرى كلها اتكمز وتصيح هذا الي هذا الي وجان يموت رستم قتل رستم ورب الكعبة قتل رستم ورب الكعبة وانهزم اهل الفرس في معركة القادسية وشردوا من العراق مثل الدجاج .